NEW YORK - Aminado si WBO welterweight champion Manny Pacquiao na napi-pressure siya sa sinabi ng kaniyang anak patungkol kay WBC welterweight champion Floyd Mayweather Jr.

Ayon sa kay Pacquiao, itinutulak ng anak niyang si Emmanuel Jr., na bago siya magretiro ay labanan muna niya si Floyd Jr.

"(My son says) Dad, I want you to retire, but before, you have to fight Mayweather and beat him," wika ni Pacquiao. "I'm willing to fight Mayweather. But I have to fight the guys who are hungry to fight me. Timothy Bradley is strong, and he can punch. He's a good boxer, so it's a challenge to fight a guy like that."

Kung maaalala, nagkausap sa telepono sina Floyd at Pacman tungkol sa kanilang laban ngunit hindi sila nagkasundo dahil sa $40 million na alok ng American boxer.

Sinabi ng pound-for-pound king, hindi niya tinanggap ang offer dahil ginugulangan daw siya ni Mayweather Jr.