Balak na rin umano ni WBO lightweight champion Juan Manuel "Dinamita" Marquez na pumasok sa magulong politika sa kaniyang bansa.

Ayon sa promoter nito na si Fernando Beltran, mas tumaas umano ang popularidad ni Marquez sa kanilang lugar kasunod ng kontrobersiyal na pagkatalo nito laban kay 8-division world champion Manny Pacquiao.

Tiyak din umano ang panalo sa Kongreso ni Marquez, sakaling magdesisyon itong sumabak sa halalan.

Ngayong buwan ng Hulyo gaganapin ang presidential at local elections sa Mexico.

Maalala na sa ikatlong pagharap nina Pacquiao at Marquez, nasungkit ng Filipino ring icon ang panalo via majority decision.

Si Pacquiao ay kasalukuyang kinatawan sa Kamara de Representantes ng lone district ng Sarangani province.