Ybanag News

TUGUEGARAO CITY - Tallu y natay kavulu y estudyante ta kabalin nga matannak y nattakayan nga da nga motorsiklo ta tadday nga puwente ta Ciudad na Tuguegarao.

Y biktima ay ira da Mark Anthony Tadena,22, residente na Brgy. San Roque; Ryan Roldan,17 anna Belardo Gutierez,16, parehu nga estudyante anna residente na Brgy. Centro, Enrile.

Namwan na otoridad nga posible nga y ulu na biktima ira ay netotto ta batu nga nedummu ta Pinacanauan river turi matannak y nattakayan da nga motorsiklo yatun ta natay da.

Nabigaran gapa ta naduma duma nga parte na baggi na natay turi marekober na rescue 29 na Cagayan y biktima ira ta cayan.

Base kanni Supt. Mardito Angoluan, hepe na Tuguegarao PNP, ninay ta binyag ta Brgy. Capatan y tallu base ta kinagi na paryentes na ira ta stasyon na pulisya.

Kinagi ni Angoluan nga tadday nga residente y nakasita ta napaspas nga karela na motorsiklo liye nga matannak ta kayan turi albasu.

Base paga ta kinagi na biktima netakas da laman y neusa da nga motorsiklo nga igga plaka na nga BL 4648 nu anni ay nakiuffun da ta pulisya turi maginna da nga igga y natannak nga motorsiklo ta nakagi nga lugar.