Ybanag News

TUGUEGARAO CITY - Taronan laman ana na otoridad y mandamiento de aresto kontra ta tadday nga yema nga nakasowan ta pammolestiya ta megafu ta minolestiya na y ana na ta ili na Iguig, Cagayan.

Ta interview na Bombo Radyo Tuguegarao, kinagi ni SPO1 Ronald Pascual, case investigator nga namegafu y kalbaryo na 18-anyos nga biktima turi 12-anyos paga yaw.

Base ta kinagi na biktima ta stasyon na pulisya, molestiyan iya na yema na nu manaw y yena da tapenu alagan na y yena na nga igga taki na ta tanakwan nga ili.

Base paga ta biktima, molestiyan na yema na yaw nu igga matalebagan da nga amingan nu umay da yaw ta talun da.

Ari gapa iya insigida nga nakadanuk megafu ta tantalawan iya na yema na nga patayan na y wagi na,anna ina na kavulu na iya nu mamwan laman na otoridad y kukukwan sa na yema na.

Ngamme nangidanuk ngana y biktima ta yena na megafu ta ari ana yaw nga makapettuk ta kabalin nga minolestiya mangngana na yema na turi Setyembre 2011.

Nappositibo gapa iya turi sitan na doktor kavulu na y wagi na nga minolestiya gapa na padre de pamilya da.

Inamin gapa na 42-anyos nga suspek y kiningwa na nga nga krimen ta ana na ira..

Sangaw ay igga ana ta lola da y biktima ta ili na Enrile, Cagayan.