Waray News

TACLOBAN CITY - Guinkomperma ni City Information Head Bernardita Valenzuela nga ig-uuli nganhi ha syudad han Tacloban an patay nga lawas ni anay Leyte Governor Benjamin "Kokoy" Romualdez yana nga maabot nga Biyernes.

Ha pakikipaghimangraw ha Bombo Radyo Tacloban, guinmalatumat ni Mrs. Valenzuela nga plano han mga Romualdez nga ig-uli nganhi ha syudad an lawas han anay Gobernador agud ighaya ha kapitolyo han leyte kun diin ini nagserbe hin haros duha ha dekada.

Nasabtan guihapon tikang ha mao nga opisyal nga san-o mamatay naguin gawas sulod na ini ha hospital tungod hin sakit nga cancer ha dugo nga urhi na masabti.

Guinpasabot guihapon ni Mrs. Valenzuela nga dayon lumarga pakadto ha Manila hi Mayor Alfred Romualdez kakulop han kulop pakabaro han nasabi nga balitapero nakatalaan naman ini nga bumalik dayon yana para atendiran an importante nga mga trabahoon ha syudad.

Samtang guinlalauman naman nga damo an mga  tawo ngan mga supporters an makikisubo ha lamay han namatay nga opisyal.