Waray News

TACLOBAN CITY - Nagreklamo an pipira nga mga 4th year student ha usa nga eskwelahan ha Pastrana Leyte mahitungod nga hadlok hira nga maapektohan an ira paggradwar mahitungod nga duha na ka bulan waray-sulod sulod ha klase an ira maestro nga guin-aalegar nga nanrape han 17-anyos nga estudyante hini.

Subay han impormasyon nga nakuha han Bombo Radyo tacloban, waray na magpakita an mao nga suspek tikang gumawas an warrant of arrest nga guinpalusad han piskalya kasumpay han kaso nga rape.

Nasabtan guihapon nga tulo na an naburudan han mao nga magturotdo ngan an pinkaa-urhi nga biktima hini an nagrereklamo nga estudyante nga hingarangkan na.

Ha pagkayana, padayon pa nga guitatalinguha han estasyon nga kuhaon an reaksyon han mao nga eskwelahan.