Waray News

Tacloban City - Baga-baga hin na-trauma an team Casimero ha natabo nga laban ha Argentina kun diin nagresulta hin riot.

Ha eksklusibo nga pakikipaghimangraw kan Sammy Gell-ani, boxing promoter ni Jhonriel Casimero kun poyde la diri na nira gusto nga bumalik pa ha Argintina para hin usa nga mulay.

Mas gusto nira nga ha Pilipnas o ha America na la pagdumaraon an mga masunod nga mulay ni Casimero.

Guinsaysay guihapon ni Gell-ani an nagin kaagi hini ha riot kun diin nagka ada hiya hin upat nga bukol ha ulo ngan mga bun-og ha lawas mahuman paglabayon hin mga lingkuran ngan mga bottled water.

Tanan han meyembro han team Casimero in waray makalikay han mga suntok ngan patid han mga Argentine.

Kun manunumduman, nagkamay ada hin kasamok an laban ni Casimero ngan Lazarte mahuman an kontrobersyal nga 10th round knockout nga waray makarawat han mga fans an pagkaperde han ira kababayan nga hi Lazarte.