Waray News

TACLOBAN CITY - Guin pasamwak ni Rep. Neri Colmenares han prosecution team nga poydi ma-contempt hi Pascual Garcia III, presidente han PSBank branch han Katipunan, Quezon City ha ika - 15 nga impeachment trial ni Chief Justice Renato Corona in kaso deri hini sundon an subpoena nga guin pagawas han Senado kumo impeachment court ha mga bank accounts ni Corona.

Sumala kan Rep. Colmenares han prosecution team, dako an papel nga han banko ha impeachment court ngan importante guihapon an magigin testimoniya han PSB.

Dugang pa ni Colmenares nga kinahangaln mabaruan han kun kay ano myda 10 nga mga bank accounts hi Corona kun diin 5 han mga ini in mga peso accounts ngan 5 naman ha dollar accounts.

"Kailangan malaman ng publiko kung bakit hindi i-dineklara ni Corona ang 19 million sa pesos account sa SALN nito at kung bakit may mga accounts na bukas - sara," sabi ni Colmenares.

Samtang, kampante naman an prosecution nga deri paman naabrehan an bank accounts ni Corona kakulop in magpapabilin la guihapon ha mga huna-huna han katawhan kun kay ano mayda 10 nga accounts an mahistrado.

Nanindugan naman hi Colmenares nga deri kinahanglan mabaraka an banko bahin ha RA 1405 o Bank Secrecy Law tungod exempted naman daw an witness ha ilrum han revised penal code.

"Walang rasun ang banko na hindi isapubliko ang mga bank accounts ni Corona hindi poydi kasuhan ang mga ito under sa revised penal code," dagdag pa ni Colmenares.

Bank Secrecy Law

Aminado naman hi Mavette Garcia, branch manager han usa nga banko nga makuri para ha banking industry nga basta-basta sapubliko an mga bank accounts han mga depositors tungod possible ini makaapekto ha kredibilidad han mga banko.

"Hesitant kasi kami because malaki ang mawawala sa banko kung basta-basta kami magpalabas ng mga accounts nga mga depositors kasi ang obejective ng bankp is to protect the secrecy of the depositors," sabi ni Garcia.

Sigon kan Garcia nga deri naman daw nga deri gusto han banko nga ihatag an bank accounts kundi maibantayan la an "trust" han banko.

Kumbinsido naman an mao nga banko nga mas maupay kun hi CJ Corona nala an magsapubliko ha mga bank accounts labi na nga waray ini guin tatagu bahin hini.

Samtang nanindugan naman hi Garcia nga magigin dako an epekto ha banking industry kun magpupumirit an impeachment court nga ipagawas an bank accounts ni CJ Corona.