Waray News

TACLOBAN CITY -- Padayon nga guintatambal yana ha Eastern Visayas Regional Medical Center an usa nga babaye mahuman ini pagbun-on maka lima beses hin usa guihapon nga nanay tungod la han away han ira mga anak.

Guinkilala han mga otoridad an biktima nga hi Aileen Maydo Delpuerto, 31 anyos ngan residente han Brgy. Alimasag San Jose Tacloban City.

Samtang an suspek naman in guinkilala kan Mary Jane Golong , ada ha igo nga pangidaron ngan residente guihapon han nasabi nga baranggay nga dayon naman nga pumalagiw mahuman an insidente.

Ha nakuha nga impormasyon han Bombo Radyo Tacloban tikang han nanay han biktima, nagkamay ada hin away an duha nga 7-anyos nga anak han biktima ngan suspek tungod hin bola.

Nag-isog daw an suspek ngan dayon nga guinkadto an biktima dara an matarum nga kutsilyo ngan tigda nga guinbuno-buno.

Ha pagkayana, padayon pa nga guinbibiling han mga otoridad an suspek.