Waray News

TACLOBAN CITY - Wag-wag an tina-e han 40 anyos nga lalaki kahuman pag-pamumun-on an tiyan han kalugaringon nga kainum kagab-i ha Pastrana, Leyte.

Subay ha impormasyon nga nahikay han Bombo Radyo Tacloban ha Eastern Visayas Regional Medical Center (EVRMC) guin kilala kan Edwin Refuerzo, residente han Tap-Tap Pastrana Leyte.

Guin tutuuhan han mga kapulisan nga possible an uro-intremes han mga kairignum an nagin hinungdan han pan-muno.

Samtang ha San Isidro, Palo Leyte, kritikal guihapon an kondisyon han usa nga lalaki kahuman daw pag-tipan nga bun-on han waray makilala nga suspek gamit an usa nga ice pick samtang ini in malipayun nga nakikipag-inuman ha sangkay hini.

Ha pagkayana, padayun la guihapon nga guin tatambal ha EVRMC an duha nga mga biktima kun diin mahugot nga guin tutukan han mga doktor an kondisyon han mga ini.

Guin hahalpat na yana han mga kapulisan an responsable han panmuno, ha Palo ngan Pastrana denhi ha Leyte.