Waray News

TACLOBAN CITY - Nagtotoo hi Cong. Neil Tupas nga diri bias an mga senator-judges ngan waray ini guin-uugupan ha impeachment trial.

Sumala kan Cong. Neil Tupas, ha eksklusibo nga pakikipaghimangraw han Bombo Radyo Tacloban, temprano pa agud magsiring nga may bias ha mga senador.

Dugang pa ni Cong Tupas, hapagkayana, waray niya nakikita nga bias ha mga senador ngan nagtotoo hiya nga mamati an mga senador ugsa magdedsisyon kon mahuman na an impeachment trial alakontra kan Corona.

Samtang, guinpahayag naman ni Cong. Tupas nga may nga witnesses pa ngan testigo nga ig-aatubang inkaso nga tugotan hira han Senado.

Iguinduon naman han opisyal, nga nahahadlok an depensa han ira mga igpapagawas nga testigo ngan mga dokumento amo nga nagamit ini hin taktika nga diri ini nira mahipresentar ha impeachment court.