Pangasinan News

DAGUPAN CITY- Unong ed malet ya panbabantay na kapulisan ed luyag katon limeksab so kaso na cattle rustling dyad boun luyag.

Unong ed kinen P/Supt. Benjamin Ocomen, Public Community Relation Officer. lalon pinamalet na kapulisan so gagawen dan panpapatrolya aliwa labat ed matotoon lugar balet pati ed saray wadyad liblib ya lugar kapara na kaalugan no ener mabetbet ya napakanengnenggan na saray alagan ayep kapara na baka tan duweg.

Unong met la iya ed direktiba ya manlapu ed kinen Governor Amado Espino Jr ya nununuten kunu so kipapasen na dumaralos ya no naandian na ayep et baleg ya kaandian ed anap bilay da.

Inyarum met nen Ocomen ya naitdan da na sulat so saray aminsan lan asangkot ed takewan na ayep ed kaalugan tan inbaga no unulit ni era ed ikulong la ran talaga.