Pangasinan News

DAGUPAN CITY – Inyasingger lad konsulada na Amerika na pamilya na sakey ya Dagupena so kaso na iinapen ya impamatey ed saya diman. Impalapag nen Ginoong Dionesio Bolor, ama na biktiman si Christine , 35 anyos, residente na Bonuan Gueset diad syudad na Dagupan, inyasingger dalad abetlan kunsalada so agawad anak da lapud ag ira manisya ya saya et nanbekkel ya aliwad ibabaga na say nobyo ton si Kurt Syversones.

Imbaga ni nen Dionesio ya amin ya nayarin akaiba na anak da et kinatungtong dala ompian nagamuran da so hustisya.

Say bangkay nen Christine et inabet nen Dionesio ed America tan naisempet dala karuman ya sakey tan kaplesan lan lalamayan natan ed abong da.

Base nid palapag nen Ginoong Dionesio ya akabatan labat nen Christine so nobyo to ed internet nen Nobyembre 2011 ed internet tan nen Disyembre et linmarya ed Pilipinas ompian aweten tilaya papawil ed Vancouver City, Washington D.C.

Inap na pamilya na biktima, ya wala amta ed saya na datin kaamong na nobyo bikitma ta guguluen tora kuno, base met lad istorya na anak da pigaran agew antis iyan inatey.

Akagetar balet met ya mangiter na antukaman ya tulong so lokal ya pamahalaan na luyag tan syudad na Dagupan ompian maples ya nagamuran na biktima so hustisya.