BACOLOD CITY – Nagpatuman sang price freeze ang Department of Trade and Industry (DTI) sa mga lugar nga gin-igo sang linog sa 1st district sang Negros Oriental.

Ini ang kasunod sang report nga may articial increase sa presyo sang basic kag prime commodities sa lugar.

Sa inspection sang DTI naglab-ot sa 44 nga mga balaligyaan ang nadiskubre nga nagpataas sa presyo sang ila balaligya kag naghingalit sa sitwasyon sa diin ginakulang ang supply.

Sa nasambit nga numero, 12 ka mga balaligyaan ang yara sa Guihulngan, 9 sa La Libertad, 5 sa Jimalalud, 4 sa Tayasan, kag 14 sa Ayungon.