BACOLOD CITY – Wala sang dapat kabalak-an nga magalupok ang Kanlaon Volcano sa Negros Occidental kasunod sang mga cracks nga nakita sa crater sini resulta sang magnitude 6.9 nga linog nga nag-igo sa Negros island sadtong Pebrero 6.

Ini ang ginpaguwa nga pahayag sang Philippine Institute of Volcanology and Seismology (Phivolcs).

Nadiskubrehan sa ginpatigayon nga survey nga may dalagko nga litik sa crater sang bulkan kasunod sang natabo nga linog.

Naglab-ot sa 50-meter ang kalabaon sang crack sa crater kag may magagmay pa sa iban nga bahin sang bulkan kag may nagluntad pa ng landslide sa area sang Mt.Kanlaon Natural Park.

Kaangot sini ginadumili-an anay ang pagsaka ukon pagpatigayon sang mountaineering activities sa nasambit nga bulkan.

Ang Kanlaon volcano ang nahamtang sa pagitan ng Negros Occidental at Negros Oriental nga amo ang grabe nga gin-igo sang 6.9 magnitude nga linog.