KORONADAL CITY-Dead on-the-spot ang duha ka katawo makaligad nga ginpangluthang sang wala pa nakilala nga gunman sa dalawa national highway sang banwa sang Kabacan, North Cotabato,

Riding-in-tandem ang imbolbado sa pagpangluthang sa may kanto sang Tomas Claudio Street kag Tandang Sora Street sa Purok Chrislam sa Kabacan.

Ginkilala ni Supt. Joseph Semilllano, hepe sang Kabacan PNP, ang mga biktima nga sanday Andrew Caumbo sang Barangay Tunggol sa Kabacan kag isa ka himata sang mga Montawal sa Montawal, Maguindanao.

Sakay suno pa sang itim nga Yamaha DT 125 nga motorsiklo ang duha sang ginpangluthang sang mga suspek usar ang kalibre 45 nga armas.

Ang mga suspect ang lulan sang Honda XRM nga motorsiklo nga wala sang plaka nga madasig nga nagpalagyo pagkatapos sang pagpangluthang.

Gilayon naman nga gindala sa Kabacan Polymedic Hospital ang mga biktima, apang gindeklarar nga dead on arrival ang isa sa mga ini..

Si Caumbo ang ginbawian sang kabuhi samtang ginabulong sa ospital.

Sa subong, ginmanduan na ni Kabacan Mayor George Tan ang mga otoridad nga magpatigayon sang manhunt operation agud matikma ang mga responsable sa krimen.

Ini na ang ikaduha nga kaso sang pagpangluthang nga napagkit sa nasambit nga banwa subong nga tuig.