LA UNION - Iti kompanya a shell iti posible nga agsungbat iti napasamak a panagubo iti aganay 5,000 a litro ti diesel iti igid ti baybay a masakopan ti Barangay Poro ditoy syudad ti San Fernando.

Iti eksklusibo nga interview ti Bombo Radyo La Union kenni Captain George Ursabia, commander ti Philippine Coast Guard District Northern Luzon, kinuna na a ti Shell iti akinkukua ti nag-leak a tubo, isutgapuna a daytoy iti rumbeng a maimbestigaran.

Nupay kasta, inlawlawag na a ti nasao a receiving pipe ket ar-aramaten dagiti tallo a big players ti lana a pakaibilangan ti chevron ken petron.

Siniguro pay ni Ursabia nga iti agmalem ita nga aldaw ket madalusanen babaen ti skimmer iti 400 meters a sakop ti shoreline a kangrunaan a naapektaran ti nagubo a diesel.

Saan met a makaalarma kunana ti nasao nga oil spill agsipudta bassit laeng ti nagubo a lana ken nalak-laka nga ag-evaporate ti diesel kumpara iti bunker oil a kumpet iti kadaratan.