LA UNION – Agarup 5,000 litro a lana iti nagwaras ita gapu ti panag-leak ti oil pipeline iti kompanya a Chevron idiay baybay ti Barangay Poro, syudad ti San Fernando, La Union.

Iti panankiuman ti Bombo Radyo La Union kenni Capt. George Ursabia, commander iti Philippine Coast Guard District Northern Luzon, kinunana a kontrolado itan ti sitwasyonken saan met a makaalarma iti panagwaras ti lana idiay baybay.

Sigun kenni Ursabia,mabalin a saan a nakayanan iti pipeline ti pigsa iti pressure isu a nag-leak daytoy kabayatan nga agdi-discharge ti maysa a banker iti lana nga agturong ti depot.

Iti agdama, agtultuloy pay laeng ti clearing operation iti nasao a lugar tapno malapdan ti panagwaras iti lana idiay danum.