LA UNION – Naaresto ti maysa a 19-anyos a baro kalpasan a naduktalan a rinamesna ti 13-anyos a balsitang idiay ili ti Bauang, La Union.

Iti pannakiuman ti Bombo Radyo La Union iti saan a nainagan nga ina ti biktima a nakita ti mismo a kabagyanda iti napasamak a panangmolestiya ti suspek iti menor de edad idiay dalan idi kanikadua a rabii.

Sigun ti misis, nagpakada nga immuna kenkuana ti anakna a mapan agperya ngem saan a nakaawid daytoy ti umno nga oras.

Iti panangsapolda ti balasitang ket impakaammo ti kabagyanda a naaktuanna ti suspek a ramramesenna daytoy.

Dagus met nga inaresto iti konseho ti barangay ti baro a naibalud ita idiay Bauang Municipal Police Station.

Naammuan a maipagarup nga inawis ti suspek iti biktima babaen ti panagtext sakbay a napasamak ti krimen.

Kabayatanna, madama ita ti imbestigasyon nga isaysayangkat ti pulisya ken maisagsaganan ti kaso a maidatag kontra ti suspek.