LAOAG CITY - Agtultuloy ti panagsagrap ti Comelec iti Ilocos Norte iti saan na pay a panangipatungpal ti writ of execution a pinaruk-atan ti Comelec Central Office.

Naipalaon iti order a mapaksiyat iti puesto iti kabiitan a panawen ni Vice Mayor Pacifico Velasco kalpasan a nadisqualify iti kandidatura na.

Nasuruken ngem maysa a lawas sipud naipaima iti Comelec-Ilocos Norte nga idadauluan ni provincial election supervisor Atty. Alipio Castillo ti writ of exeution ngem agpapan ita ket saan pay a naipatungpal.

Kuna ni Castillo nga isagana da pay amin a kasapulan sakbay a maipatungpal ti order ken tapno agbalin a natalna ken naannayas ti panagbaliw ti liderato iti kina bise mayor ti Bacarra.

Nagballaag ti kampo ti nangpadisqualify kenni Velasco a kasuan na ti ahensiya a saan nga agtungpal iti pammilin ti Comelec.