LAOAG CITY -  Insigida a naidalan iti operasyon ti maysa a negosyante kalpasan a napaltogan babaen iti riding in tandem iti Brgy. Caunayan, Batac City.

Nabigbig ti biktima a ni Jomar Domingo, taga Allacapan Cagayan ngem agdama nga agnanaed iti Brgy. Baoa West, Batac City.

Madama nga agirikrikep ti biktima iti grocery store da kaduana ti asawa na a ni Jenelyn ken ti uppat ti tawen na nga anak da idi paltogan dagiti suspek.

Ni Domingo ket natamaan iti tengnged ken patong na idinto a saan a naan-ano ti asawa ken ti anakna.

Nakarekobre dagiti utoridad iti crime scene ti innem a live ammo ti cal. 9 mm,  uppat nga slugs ti cal. 45, walo nga empty shells ti cal. 45 ken maysa a bracelet.

Agpapan ita ket saan pay a naduktalan ti PNP ti motibo ti nasao a pammaltog.