LA UNION – Sumangsango iti kaso a panagtakawan ti maysa a 19-anyos a baro gapu ti panagtakaw na iti kable ti kuryente idiay Barangay Quinavite, ili ti Bauang, probinsya ti La Union.

Nabigbig ti suspek a ni Rodnie Rebamonte, residente ti nasao a lugar.

Iti report a nakalap ti Bombo Radyo La Union manipud idiay Bauang Municipal Police Station, maysa a lolo iti nangipakaammo kadakuda a nakitana ti ar-aramiden ti suspek a manguk-ukis kadagiti kable idiay kakaykaywan nga asideg ti natakawan a balay a kukua ti maysa a Glory de Shape.

Gapu iti daytoy, dagus a tiniliw dagiti pulis ti baro ken narekrobre met dagiti electrical wires nga aggatad iti P25, 000.00.

Saan met a pinaglibakan ti suspek ti inaramidna a panagtakaw.