VIGAN CITY- Pinatalgedan ni 503rd brigade Phil. Army commanding officer Col. Eliseo Posadas a natay ti lider ti SPP-South Central ti rebelde a New People's Army nga agop-operate diay probincia ti Abra.

Binigbig ni Col. Posadas ti lider a napapatay a ni Ricardo Reyes alias Ka Tubong, kadduana da Ka Ronnie ken Ka Snipe a resuta ti 2- oras nga engkuentro diay sitio Nagas-asan, brgy. Ud-udiyaw, ili ti Sallapadan, probincia ti Abra.

Kuna pay ni Col. Posadas, a posible a manayonan ti bilang dagiti natay kadagiti rebelde nga NPA, agsipud ta nairaman iti tallo a bangkay ti inlibas dagiti rebelde ti maysa pay a nakaro a nadunor.