VIGAN CITY- Natay ti maysa kadagiti agkabsat a nagkalubbon ti motorsiklo idi naidungpar da iti owner typed- jeep trailer a napunno ti flywood.

Segun ti Santa PNP, natay ni Erwil Silvania, agtawen ti 26, kabayatan a kritikal ti manong na a ni Edgar, agtawen ti 28, nga agpada a taga brgy. Banglayan, Narvacan, Ilocos Sur.

Iti imbestigasyon, sinarsaruno ti agkabsat a nakamotorsiklo ti owner typed jeep trailer a minaneho ni Roberto Sudayo iti ciudada ti Vigan, iti national highway Basug, Santa, Ilocos Sur idi naisina ti trailer nga isun ti nakaidungparan ti agkabsat.

Nagsagrap ti dunor ti agkabsat ngem natay ti maysa kadakuada.