LAOAG CITY - Maysan a nalamiis a bangkay ti maysa a retirado a soldado apaman a nabirukan ti bangkay na iti igid ti dike iti asideg ti Gilbert Bridge iti ciudad tin Laoag.

Binigbig ni Brgy. Chairman Marcel Martillano ti Brgy. 51-A, Nangalisan ti ciudad ti Laoag ti biktima a ni Gerry Ponce, maysa a retirado a soldador, agtawen ti nasurok nga 60, residente ti Brgy. 10 ti ciudad ti Laoag ken agsolsolon nga agbibiag.

Segun kenni Dr. Imelda Tamayo ti City Health Office a ti biktima ket mapattapatta a natay nasurok pay laeng a tallo nga oras ti napalabas gapu ta nalukneng pay laeng ti bangkay.

Seguin met kenni Asst. City Prosecutor Gifford Tumaneng, basar kadagiti tedted ti dara iti daga ket mabalin a liniklikan ti biktima ti tao a nangdangran kenkuana rason a nakadanon iti nasao a lugar.

Agtultuloy ti panangiwayat dagiti otoridad ti imbestigasyun tapno maammuan ti pudno a rason a natay ti biktima ken no siasinnu ti adda iti likudan ti insidente.

Ti bangkay ket immuna a nakita dagiti obrero ti maysa a construction iti nadakamat a lugar.