LAOAG CITY - Nagsagaba ti first degree ti maysa nga estudyante kalpasan a naminpinsan a dimmapo ti boarding house nga pagnanaedanna iti Brgy. 5 ti ciudad ti Laoag.

Nabigbig ti biktima a ni Sherwin Wasay, taga Brgy. 19, Badoc, Ilocos Norte idinto ta ti agtagikua iti nauram a boarding house ket ni Mrs. Emilia Alnas, residente iti nasao a barangay.

Segun kenni Wasay, bayat ti panaglutlutona iti karne ket kellaat lattan a naggil-ayab ket daytoy ti nangitunda ti uram ken nakaladaman met ti rupa, barukong ken ima na.

Dagus a naitaray ti biktima iti Laoag City General Hospital.

Awan met a pulos ti naisalbar a gamit iti nasao a boarding house.

Kabayatanna, saan pay a masinunuo ti Bureau of Fire Protection ti balor dagiti nauram a sanikua.

Ituloy ita nga alfaw ti BFP ti imbestigasyun iti nasao nga insidente.