VIGAN CITY - Maysa ti natay ken tallo ti nadundunor iti napasamak nga aksidente idiay Brgy.Darapidap,Candon City,Ilocos Sur.

Nabigbig ti natay a ni Jeffrey Bayod, agtawen 18, idinto a dagiti nadundunor ket da Wilfred Martes Jr., Mel John Layugan, agtawen 17 ken Odie Gamileng, agtawen 17,agpapada a taga Brgy.Tamac,Villaviciosa, Abra.

Segun iti report, dimmungpar iti kotse ti motorsiklo a minanehu ti natay a ni Bayod ken ti kinalubbonna a ni Wilfred Martes Jr. ket nadunor met iti nagduduma a paset ti bagina ken na-fracture ti imana kalpasan a napapilidan dagiti sumarsaruno a nakamotorsiklo a kakadduada met laeng a da Layugan ken Gamileng.

Dead on arrival iti ospital si Bayod,idinto a dagiti tallo ket maag-agasanda.