VIGAN CITY- Narisut ti protesta kontra iti naitandudo nga SK Got Talent search ti Sangguniang Kabataan ti Vigan, kas paset iti selebrasyon iti Vigan Fiesta 2012.

Dayta ket kalpasan a nagdesisyon dagiti organizer nga indaulluan ni SK federated Pres. Ma. Gabriela Mendoza, a disqualified ti San Julian Sur talents nga immuna a naitandudo a kampeon.

Nadiskobre a saan a nasurot ti contest guidelines agsipud ta over aged dagiti participants a rumbeng nga agtawen ti 18 agpababa malaksid a saan pay nga SK dagiti nakipartisipar.

Agsipud dayta, ad-adalen ti SK federation ti ciudad ti pangaramatanda ti naibabawi a premyo nga aggatad ti P27,000.