LAOAG CITY – Nangiyetnag ni Mayor Michael Fariñas ti pammilin nga malimitaran laengen iti lima nga aldaw ti pannakaipalubos ti panagsusugal kadagiti minatayan iti ciudad ti Laoag.

Segun iti report, rumrumuar nga ab-abusuen dagiti operators ti illegal a sugal a maawagan “Atong King” at “Atong Girls” ti pannakaipalpalubos ti panagsusugal kadagiti minatayan gapu ta paseten daytoy ti kultura ken tradisyun dagiti Ilokano.

Kuna na nga nupay paseten ti kultura kentradisyun ket rumbeng laeng a malimitaran gapu ta daytoyen ti pagtataudan ti problema kas iti napasamak iti maysa a natay a naimansayag iti dandani tallo a bulan.

Naammuan nga us-usaren dagiti operators ti illegal a sugal ti sumagmamano a minatay iti ciudad iti negosyo da.