LAOAG CITY – Linapdan ti napagtipon a puwersa ti PNP Bacarra ken ti Ilocos Norte Police Office ti dua a truck a nagkarga ti tarikayo nga umabot ti nasurok a 14,000 a board feet iti naiwayat a checkpoint iti ili a Bacarra.

Karaman kadagiti tarikayo ket gmelina,mahogany,tangisang bayawak ken dadduma pay.

Segun kenni C/Insp. Dominic Guerero, chief of police ti ili a Bacarra a dagiti tarikayo ket kukua ti agnagan Mariano Cabanglan a taga-Abulug, Cagayan ken maibiyahe da a maipan idiay Vigan City, Ilocos Sur.

Iti agdama, dagiti dua a truck ti tarikayo ket adda iti kustodiyar ti Provincial Environment and Natural Resources Office (PENRO) para ti pannakaiwayat ti tumutop a proseso kadagiti naipakita a dokumento.