LAOAG CITY – Ad-adda pay a mapaigetan ti relasyun ti ciudad ti Laoag iti Hawaii idiay Estados Unidos kadagiti masungsungad nga aldaw.

Makipinnirma ti ciudad iti sisterhood relationship iti League of Cities ti Hawaii iti umay a bulan ti Pebrero.

Segun kenni Mayor Michael Fariñas, inawat na ti imbitasyu  ti liga tapno ad-adda pay a mapaigetan ti relasyun ti ciudad kadagiti nagduduma a ciudad idiay Hawaii.

Kuna na a maiwayat ti pinnirman iti maudi a lawas ti Enero agingga iti maudi a lawas ti Pebrero.

Mangnamnama ti mayor a babaen ti kaadda ti sisterhood relationship ti ciudad kadagiti sabsabali a lugar nangruna dagiti nababaknang a lugar kas ti Hawaii ket manamnama ti adu a tulong a magun-odan kadagiti masungsungad a panawen.