VIGAN CITY- Saan laengen a numero uno iti rating ti Bombo Radyo Vigan, ketdi uray iti benneg ti isports.

Dayta ket kaalpasan a nagbalaligi ti Bombo Runners ti media category iti benneg 5 miles ken 10 miles, iti umuna a Sanguniang Kabataan Fun Run nga addaan tema a TUMAKBO KA, KABATAANG BIGUEñO, a paset ti siyam nga aldaw a 2012 Vigan Town Fiesta a nangrugi idi Enero 19.

Pinaneknekan ti Bombo Runners saan laeng a panagipadamagan ti paglaingan da na, ketdi numero uno pay iti adbokasya para iti salun-at ken pannakitinnulong, agsipud ta ti naurnong a pundo ti fun run ket nailatang paraa iti proyekto aa makaiapaaya ti benefisyo para kadagiti agtutubo.

Indaulluan iti benneg ti 5 -miles category ni Bombo Gilbert Villa, technician; maikaddua ni Bombo Restituto Ramolete, driver ken Bombo Angelo Patron a reporter-anchorman ti Bombo Reports part 2.

Kabaayataanna, iti kategorya a 10 -miles, immuna ti runner a ni Jun Balbin, maikaddua ni Bombo Wendell Botacion, newscaster- reporter.

Iti met Top 10 runner finishers ti nagpuestuan dagiti dadduma pay a Bombo Vigan Runners.