CAGAYAN DE ORO CITY- Nagplead not guilty ang usa sa mga suspek nga gitudlong mipusil sa zonalibre anchor ug chief of reporters sa Bombo Radyo nga si Bombo James Licuanan.

Kini human siya basahe si Baldomero Pajo sa iyang sumbong ubos sa sala sa RTC Branch 38 kagahapong adlawa.

Giasoy sa suspek nga unta makab-ot niya ang hustisya sa iyang gidangatan ilabina nga wala kini nahimo matud pang kasal-anan batok kang Bombo James.

Sila si Baldomero ug Wenceslao Diaz ang gitudlong suspek sa pagpusil kang Bombo James niadtong Nob 24 2011 samtang pauli na unta sa ilang pinuy-anan gikan sa iyang programa.

Hisayrang mao kini ang ikaduhang kaso sa pagsulay ug hunos sa kinabuhi sa ginsakpan sa media sa syudad diin pabiling inotil ang kapolisan sa pagtumbok sa mga nagsilbing mastermind niini.