DAVAO CITY - Bag-ong special task group na sab ang gimugna sa dakbayan arun maoy mosubay  batok sa mga kriminal nga motorcycle-riding-in-tandem.

Sumala ni PRO-Davao Regional Director Jaime Morente nga gilusad sa Police Regional Office (PRO)-Davao Region ang Special Task Group against Motorcycle Riding in Tandem Criminals (STG-MCRTC) nga maoy tubag matud pa arun nga mahatagan ug solusyon ang mga suspek nga sakay sa mga motorsiklo.

Gimando sab ni Morente sa mga hepe sa kapulisan nga pahugtan pa ang pagbantay sa ilang  areas of responsibility ug dili tugtan nga makahigayon sa pagbuhat ug dautan ang mga kriminal. 

Gibutyag sab ni Regional spokesperson Marcial Mariano Magistrado nga adunay 61 ka robbery/hold-up nga  binuhatan sa mga motorcycle-riding suspects  ang narekord sa Davao Region sukad sa Enero ug Pebrero ning kasamtangan nga tuig.

Gikanayon nga sa nahisgutan nga kaso,  ang Davao City Police Office (DCPO) ang adunay pinaka-taas nga natala diin moabot kini sa 31 ka insidente. 

Nasayran nga ang STG-MCRTC ang gilangkuban sa tracker teams nga organisa  sa provincial police offices ug DCPO.