DAVAO CITY - Migula sa datos sa Commission on Higher Education (CHED) nga mi os-os ang ihap sa mga studyante nga nagtungha sa kolehiyo sa tuig 2011 itandi sa milabay nga school year 2009 ug 2010.

Migawas ang maong pagtandi human gituki kagahapong adlawa sa regular session sa Sangguniang Panglungsod ang resolution ni Counsilor Atty. Lea Librado may kalabot sa tuition fee increase.

Pagagamiton matud pa ang usbaw sa matrikula sa pagahin alang sa pasilidad sa mga tulunghaan lakip sa dugang suhulan sa mga magtutudlo.

Matud pa nga unod sa CHED Memorandum order 13 series of 1998 nga gikinahanglang mupahigayon ug konsultasyon ang mga tulunghaan sa mga studyante, Parent Teachers Association, School Administrator ug uban pa una maaprobahan ang giduso nga resolution sa usbaw sa matrikula sanglit usa kini ka rekisitos nga gipangayo sa naasoy nga buhatan.

Nasayran nga daghan ang mi graduar sa high school nga wala makatung-tung sa kolehiyo tungod sa pagtaas sa matrikula.

Gipunting ni Councilor Librado ang CHED tungod daghan sa mga unibersidad ang mipataas sa tuition fee nga wa gayud miage ug konsultasyon.