GENERAL SANTOS CITY - Mibuto ang mga tinagu-ang armas sa Regional Public Safety Battalion human gilamoy sa kalayo ang tibuok edepisyo.

Gibutyag sa Bombo Radyo ni P/Supt. Resty Damaso, ang tigpamaba sa Police Regional Office-12  nga gi-imbestigahan na ang sinugdanan sa sunog nga miabo sa tibuok gambalay nga miresulta sa pagkasunog sa tibuok armory sa RPSB.

Gibutyag ni Damaso nga nasunog ang duha ka M60 machine gun, mga mortar tube lakip mga bala niini, mga granada ug eksplosibo ug dili maihap nga mga M16 rifle, M203 grenade launcher, sari-sari nga mga bala sa armas, mga computer ug mga dokomento.

Gihulat na ni PRO-12 Director Benjarde Mantele ang taho ni P/Supt. Roque Alcantara, commanding officer sa RPSB kalabut sa sinugdanan sa sunog. Gibutyag usab ni Damaso nga dihang masunog ang gambalay dili maduolan tungod madungog ang makusog nga pagbuto sa mga eksplosibo ug mga bala.