GENERAL SANTOS CITY - Nasikop sa kapulisan ang usa ka pugante nga dugay na usab gipangita human nga nga nakaikyas sa GenSan Reformatory Center sa dakbayan. 

Gibutyag sa Bombo Radyo GenSan ni Police C/Insp. Jaime Tabucon, hepe sa Glan PNP nga ang nasikop ang nailhang  si  Lin Daut, 42-anyos nga taga Baliton, Glan, Sarangani Province.

Matud ni Tabucon nga nadakpan si Daut sa checkpoint sa  crossing Kalatungan sa Barangay Burias, Glan.

Una nadakpan ang suspek, adunay impormasyon sila nga nadawat may kalabot sa pag-agi sa armadong tawo sa maong lugar.

Nakadawat sila og impormasyon nga adunay armadong tawo nga muagi og may dalang armas. 

Giangkon ni Daut nga kauban niya nga miikyas sa  GenSan Reformatory Center  niadtong 2000 si Tahir Alonto, ang lider sa Pentagon kidnap for ransom group.