MAKILALA, North Cotabato - Gidabdaban sa mga miyembro sa New People's Army (NPA) alas-9:40 sa gabii niadtong Sabado didto sa probinsiya sa Cotabato.

Gibutyag ni 6th Infantry Division Public Affairs Chief Col. Prudencio Asto nga gisulod sa gibana-banaan 30 ka NPA ang Purok 6, Barangay Batasan, Makilala diin ilang gisunog ang outpost sa 57th Infantry Battalion sa Philippine Army ug Barangay Peacekeeping Action Team.

Dali sab nga misibat ang mga rebelde sa diha nga ilang natimahuan nga nagsingabot ang pwersa sa militar.

Suma ni 57th IB S7 Chief 1st Lt. Manuel Gatus nga walay mga sundalo niadtong mga orasa gumikan didto sila sa ilang Battalion Headquarter.

Apan ang mga sibilyan nagsulti nga mga sakop lang sa Civilian Volunteer Organization (CVO) ang nahibilin niadtong mga panahona.

Apil sa mga nasunog ang mga personal nga kagamitan sa mga sundalo ug mga CVO.

Gilusad na sa militar ang manhunt operation batok sa mga NPA nga maoy misunog sa outpost sa 57th IB sa maong dapit. (Bombo Garry Fuerzas)