KABACAN, North Cotabato - Duha ka tawo ang napatay sa pagpamanhig alas-10:20 sa gabii niadtong Sabado didto sa probinsiya sa Cotabato.

Ang mga biktima giila nga sila Andrew Caumbao ug Teng Montawal pulos mga molupyo sa Datu Montawal, Maguindanao.

Nasayran gikan kang Cotabato Police Provincial Director S/Supt. Cornelio Salinas nga samtang sakay ang mga biktima sa Yamaha motorcycle nga walay plaka gikan sa Kidapawan City pauli sa ilang bay apan pag-abot nila sa Barangay Poblacion, Kabacan kalit lang silang gipaulanan og mga bala saw ala mailhing mga armadong kalalakin-an gamit ang kalibre .45 nga pistola ug M16 Armalite rifles.

Dali sab nga misibat ang mga suspetsado sa diha nga ilang nakit-an nga naligo na sa ilang kaugalingong dugo ang mga biktima.

Gidala ang mga samaron sa mga nagrespondeng pulis sa Kabacan Polymedic Hospital apan gideklara sila sa mga attending physician nga dead on arrival.

Ang mga biktima naka-angkon og ubay-ubay nga samad pinusilan sa nagkadaiyang parte sa ilang kalawasan nga maoy hinungdan sa ilang kamatayon.

Gitahasan na ni Kabacan Mayor George Tan ang kapulisan nga tutukan pag-ayo ang imbestigasyon sa naasoy nga hitabo. (Bombo Garry Fuerzas)