CAGAYAN DE ORO CITY - Napatay sa duha ka gitoohang sakop sa rebeldeng New Peoples' Army kon NPA ang usa ka sundalo nga nadestino sa 4th ID,Philippine Army diha sa Brgy Napaliran,Balingasag,Misamis Oriental kagabii.

Giila ang biktima nga si S/Sgt Elmo Penar, 58 anyos,minyo ug residente sa maong lugar.

Nagtoo si Police Sr/Insp. Cepriano Bazar,hepe sa Balingasag Police Station nga sakop sa NPA ang mipusil sa biktima apan hangtod sa pagkutlo ning balita wala pa niya nabutyag kon unsa ang motibo sa kremin.

Gikan mitambong sa tari-tari ang biktima sa dihang pag-uli niini gikalitan sa pagpusil sa mga suspek.

Nakaangkon sa duha ka samad sa ulo ang biktima hinungdan sa hinanali niining kamatayon.

Samtang patay usab karong buntag ang sibilyan nga si Alexander Pabualan kinsa gilakip pagpusil sa mga suspek nga gilayon misibat sa kremin.

Nakuha sa mga otoridad sa crime scene ang tulo ka empty shell sa punto 45 kalibre nga armas.