GENERAL SANTOS CITY- Kasong paglapas sa Republic Act 9165 (Comprehensive Dangerous Drug Act) ang atubangon sa tulo ka suspetsadong nalambigit sa pagbaligya og shabu dinhi sa dakbayan sa Heneral Santos.

Giila ang mga suspetsado nga sila si Nur Omada, 36- anyos nga taga Kabacan, Cotabato City, Mohammad Ali , 52-anyos nga taga Brgy. Bawing, Gensan ug Mohammad Aleman, 20- anyos nga nadakpan subay sa gihimong operasyon sa kapulisan sa balay sa mga suspek sa Barangay Bawing.

Ang operasyon gipangunahan mismo ni City PNP Director Senior Supt. Cedric Train ug Investigation and Detective Management Section(IDMS) subay sa search warrant gikan sa korte.

Matud ni Train nga nakuha sa posisyon sa mga suspek ang 10 ka sachet sa gituuhang shabu nga adunay market value na P360,00.

Hugot gipanghimakak ni Ali nga nalambigit siya sa pagbaligya og shabu inay gitudlo si Omada nga maoy midala kaniya sa shabu.