GENERAL SANTOS CITY- Giandam na sa syudad ang gymnasium sa Lagao aron magsilbing reserve dengue ward alang sa posibleng pagsaka sa ihap sa mga mataptan sa dengue sa dakbayan sa umaabot nga semana.

Matud ni Mayor Darlene Antonino–Custodio nga gimanduan na ang City Integrated Health Services Office ug ubang concerned city government departments nga makig-alayon alang sa gikinahanglang pagpangandam alang sa posibleng akomodasyon sa dengue patients sa Lagao gymnasium.

Giangkon usab sa mayor nga halos puno ang mga pribadong ospital ug wala matud pa silay opsyon sa ubang pasyente apan ang city hospital nga huot na usab karon tungod sa misaka nga kaso sa dengue.

Una nang gibutyag ni Doctor Jacinto Makilang labaw sa City Health Integrated Services Office nga sukad niadtong miaging adlaw ang dengue cases mikabat na sa 679 kong asa lima ang nakabsan sa kinabuhi.