GENERAL SANTOS CITY - Giangkon karon ni City Police Director Cedrick Train ang report nga posibleng adunay gun for hire nga nakasulod sa dakbayan tungod sa sunod sunod nga pagpamusil patay.

Una nang gikumpirma ni Train nga mokabat na sa 10 ang gipamusil patay sukad sa paglingkod sa puwesto wala pay duha ka bulan. Gitino hinuon sa nasangpit nga opisyal nga sa nasangpit nga mga kaso sa pagpamusil patay aduna nay napasakaan og kaso ug ang ubang motibo personal nga away o bangi sa yuta.

Luyo nga wala gikumpirma kong adunay gun for hire sa Gensan, apan posible matud pang mahitabo kini ug ilaha usab kining gisuta karon.

Gawas sa anti criminality gitrabaho usab sa kapulisan ang anti terrorism campaign, anti illegal drugs, illegal gambling ug uban pang krimen.