GENERAL SANTOS CITY - Milampos matud pa ang pagtagana og igong pondo sa city government sa local educaton sector sa dakbayan.

Kini human nakakuha ang dakbayanb og dul-an sa perfect literacy rate subay sa gihimong evaluation sa lokal nga panggamhanan. Matud ni Mayor Darlene Antonino Custodio nga ang resulta sa ilang literacy evaluation migawas nga 98.7 percent sa total population sa dakbayan ang makunsidera karong literate kon makabalo sa pagbasa ug pagsulat kong gikinahanglan.

Nagpasabot matud pa kini nga sa populasyon sa dakbayan nga 573,190, mokabat sa 565,707 o 98.7 percent ang mga makahibalo sa pagbasa ug pagsulat ug mokabat lang sa 7,483 o 1.3 percent ang makunsiderang illiterates.

Gipresenta ni Custodio ang resulta sa literacy rating sa Gensan ngadto sa national literacy evaluators sa gipahigayong meeting sa city hall.