GENERAL SANTOS CITY - Gisuta pa sa kapulisan ang motibo sa pagpusil patay sa usa ka sundalo nga nailhang si Staff sergeant Salvador Inocencio Jr. 43-anyos nga taga Mlang, Cotabato ug naka-assign sa 10th ID, Philippine Army nga nakabase sa Panacan, Davao City.

Matud sa kauban sa biktima nga si Staff sergeant Ronald dela Peña nga gipahibalo na ang kabanay sa biktima nga nagsilbing intelligence officer sa militar.

Gipaklaro usab ni dela Peña nga daghang ID nga gigamit ang biktima tungod trabaho niya nga magpakaaron-ingnon aron makakuha og impormasyon kong asa sakop niya pa ang Gensan.

Nasayran nga gipusil ang biktima sa Barangay City Heights kong asa naigo kini sa iyang ulo nga bahin.

Gisuta usab sa kapulisan kong unsa ang misyon sa biktima dinhi sa dakbayan.