CAGAYAN DE ORO CITY-Kapig usa ka sakong marijuana ang nakompiskar sa mga tinugyanan sa Philippine Drug Enforcement Agency kon PDEA region 10 sa  Purok 14, Brgy. Bulak-Iba, Cabanglasan, Bukidnon kaganinang kadlawon.

Kini human lusuba sa mga PDEA operatives sa pagpangulo ni Dir. Edwin Layese ang panimalay sa mga suspek nga sila si Ruel Bernas ug Joel Bacalso subay sa search warrant nga gipagawas sa korte.

Nasikop sa PDEA ang suspek nga si Bacalso, apan naka-ikyas sa pagpang-ronda si Bernas.

Matud ni Dir. Layese nga ilang nakuha ang mga druga sa panimalay sa mga suspek nga gibanabanang nagbalor ug kapig 80-mil ka pesos.

Si Dir. Layese miingon nga milampos sila sa pagkompiskar sa maong mga druga tungod sa tabang sa nagpakabanang katawhans sa nasampit nga lugar.

Mi-uban sa maong operasyon ang kapolisan ug pipila ka personahe sa Bombo Radyo Cagayan de Oro.

Ipasaka karong adlawa ang tukmang kaso batok sa mga suspetsado.