BUTUAN CITY - Duha ang nakalas samtang laing upat ang naangol sa panig sa rebildeng new peoples army sakop sa Front guerilla 21-B nga gika engkwentro kagahapong adlawa sa mga sakop sa 30th Infantry Battalion Philippine Army ilawom sa pagpanguna ni 1st Lt. Rommel Lamzon.

Ang maong engkwentro nga milungtad sa halos 10 ka minutos nahitabo Sitio Puting Bato sa Cabadbaran City sakop sa lalawigan ng Agusan del Norte

Subay niini nanawagan si Lt. Col. Dominique Bagaipo-spokesman sa 4th ID Philippine Army, ngadto sa rebildeng gropo, nga aron mahatagan ug medikasyon ang mga naangol nga mga rebilde mas maayo matud pang ipakanaug kini sa mga kaubanan gikan sa kabukiran.

Segun ni Lt. Col. Bagaipo,andam ang militar nga mupatambal sa mga naangol, tungod kay ang AFP,nagsubay sa Geneva Convention sa pagrespeto sa Human rights nga kung dunay engkwentro kung dunay samdan sa panig sa mga kalaban, tabangan gihapon kini.

Mihangyo usab si Lt. Col. Bagaipo sa mga molopyo sa Sitio Puting Bato nga dili babagan ang operasyon sa kasundaluhan.

Sundon lamang kung dunay pahimangno sa militar, kinahanglang dili mahadlok ug mokooperar lamang ug mas maayong itudlo ang nahimutangan sa mga rebildeng NPA sa maong lugar.