CAGAYAN DE ORO CITY - Napagawas na sa kapolisan ang artist sketch sa mga suspek nga maoy mipusil patay kang Lanao del Norte Provincial Prosecutor Macatatar Marsangca sa Iligan City niadtong miaging adlaw.

Matud ni City Police Dir. S/Supt. Bernard Reamon nga ilang naporma ang artist sketch subay usab sa gisulti sa eye witness sa hitabo.

Sa ulahing pakisusi sa kapolisan, duha ka motorsiklo ang gigamit sa mga suspek nga gihimong get away vehicle human nila mapusil ang biktima samtang nag-jogging sa maong syudad.

Una niini, mitanyag ug ganti ang Regional State Prosecutor's Office ngadto sa mga tawong nakasaksi aron mapadali ang pagsulbad sa kremin.