BUTUAN CITY - Gipangguba sa usa ka platoon sa Bagong Hukbong Bayan (BHB) Front 14 ang usa ka nursery sa plantasyon sa saging sa Dole Philippines og lima ka ektaryang plantasyon nila sa saging didto sa lungsod sa Prosperidad, Agusan del Sur.

Gikumpirma ni Ka Maria Malaya-tigpamaba sa National Democratic Front-North Eastern Mindanao Region (NDF-NEMR) nga gisugdan ang pagguba sa maong mga plantasyon gikan sa alas 7:00 sa buntag hangtud alas-kwatro sa hapon isip silot og kabahin sa ilang kampanya pagpapahawa sa maong kompanya sa amihanang sidlakan sa rehiyon sa Mindanao.

Sigon ni Ka Maria Malaya, wala'y luna aqng plantasyon sa Dole Philippines dinhi sa caraga tungod kay wala kini ikahatag nga kaayuhan ngadto sa mga mag-uuma.

Kini ilabina nga bugtong ang mga agalong yutaan og mga kapitalista lamang matud pa ang nakabenepisyo niini tungod usab sa padayong pagpalagpot nila sa ilang mga saop gikan sa yutang ilang gitikad kay gipa-abangan na sa mga agalong yutaan ngadto sa maong kompanya.