NAGA CITY- Nahahandal ngonian sa saindang seguridad an pamilya kan ginadan na maestra sa banwaan nin Palanas sa probinsya nin Masbate.

Ini nin huli su boot sa panhahalughog na ginibo kan mga armadong kalalakihan na nagpasiring sa harong kan biktima kan nakaaging aldaw.

Sa impormasyong nakua kan Bombo Radyo Naga, pirang aldaw na mans u boot na may naririsang kan mga kamilya kan dating paratukdo na may mga kaduda-dudang taong nagrarabay-rabay sa sainda asin pigtatakot pa an mga yaon duman.

Pagtubod ngonian kan mga otoridad, may relasyon sa pulitika an panggagadan sa 59 anyos na si Loida Pagatpat urog na ta madali na su boot ining magretiro asin may planong magdalagan nin Barangay Kapitan sa naunambitan ng lugar.

Padagos man na nagkukurahaw nin hustisya an pamilya kan dating paratukdo mantang aminado man an PNP na nasasakitan sindang susugon an suspek sa krimen.

Marurumduman na Pebrero 3 ngonian na taon kan pagbabadilon-gadan an biktima sa laog mismo kan eskwelahan na saiyang pigtatrabahuhan.